طريقة عمل الكسكسي خطوة خطوة بالصور

المقادير

كيلو دقيق-نص معلقة ملح صغيره-3كوب ماء للعجن-سمنه بلدى-سكر بودره
الطريقة
هنفرغ الدقيق فى طبق للعجن ونرش عليه الملح ونقلبه كويس ونرش عليه المايه رش خفيف وهناخد من مقدار المايه كوب ونص


هنفركه بأدينا لحد ما يبقى بالشكل ده

ودى صوره ليه من قريب


ونحطه فى الكبه ونفرمه

نجيب صنيه وسعه ونفرش فيها قطعة قماش من الشاش اوطرحه قديمه ويفضل انها تكون لونها ابيض ونفرغ فيها الكسكسى المفروم


بعد ما ننتهى من فرم الكسكسى نلمه فى قطعة القماش على شكل صره ونحطه فى حلة الكسكسى

عاوزاكى تخبطى بايدك على قطعة القماش هتسمعى صوت مكتوم وده علشان لم يستوى هتخبطى عليه وهتسمعى صوت زى صوت الطبله كده معناها انه استوى (انا بقولك كده علشان تعرفى الفرق)

هنغطى عليه لمدة تلت ساعه بظبط بعد كده نفرغ القماش من الكسكسى فى طبق العجن مره تانيه ونفركه بالمقصوصه بالشكل ده



ولو فى حاجه مكلكعه منك جامد ارجعى وافرميها فى الكبه وهتبقى بالشكل ده

هنبتدى نسقيه مايه ونرشها عليه ونقلبه كويس(متنسيش ان مقاديرنا 3 كوب مايه اخدنا كوب ونص فى العجن فى الاول خالص والوقتى هناخد الكوب ونص التانين علشان نكمل السوى ويطلع طرى ومش يخليكى تشرقى وانتى بتكليه)

لو لقيتى حاجه كلكعت منك بالشكل ده رجعيه للكبه وافرميه هيرجع زى الاول ومش عاوزاكى تخافى

نرجع بعد كده نحطه فى القماشه ونرجعه للحله تانى لمدة تلت ساعه
وبعد مرور تلت ساعه عاوزاكى تخبطى عليه بايدك بالشكل ده هتسمعى صوته بيطبل وده معناه انه استوى


هنفرغه فى الصنيه ونفركه بالمقصوصه ولو لقيتى اى حاجه مكلكعه تفرميها فى الكبه
بعد كده هتضيفى عليه السمنه البلدى وتقلبيه وهو سخن طبعا هتقلبى السمنه فيه كله وتسيحيها فيه

وادى شكله بعد ما السمنه دابت فيه كله


ودة بقي احلى طبق كسكسى بالسكر